“Чәй өстәле артында күңелле ял”-кич утыру.

Бөек Ватан сугышы тәмамланганга 79 ел үтсә дә, сугыш һәм аннан соңгы авыр елларны үз җилкәләрендә күтәргән өлкән буын хәтерендә әле бүгенгедәй саклана ул. Шекше авылында яшәүче Гөлзәйнәп Газизова, Зәйтүнә Вәлиева, Йөзлебикә Хәйртдинова шул чор балалары, әтиләрен югалту ачысын татыган, тол калган әниләре кул астында эшкә, тормыш көтәргә өйрәнгән алар. Бүген инде сугыш чоры балалары ветераннарга алмашка калган буын, Бөек Җиңү якынлашкан көннәрдә аларга аерым ихтирам күрсәтү максатыннан, Шекше мәдәният йорты һәм авыл китапханәсе хезмәткәрләре, клуб берләшмәләренә йөрүче балалар белән сугыш чоры балалары янында булып музыкаль программа күрсәтте һәм бүләкләр тапшырды. 

  Ел саен Бөек Ватан сугышын кичерүчеләр саны кими бара. Бервакыт яшьләр әтиләренең батырлыклары турында беренче авыздан беләләр һәм аларның батырлыклары белән горурланалар. Әмма сугыш һәм сугыштан соңгы тормышлары турында сөйләүче күп кенә Ветеран гаиләләрендә инде калмаган. Ләкин, хәтер юкка чыгарга тиеш түгел, киләсе буыннар аны алырга тиеш. Бөек Җиңү бәйрәме алдыннан   4 май көнне Яңа Мичән мәдәният йорты хезмәткәрләре «ветеранга кунакка»Бөтенроссия акциясендә катнаштылар. Акциядә катнашучылар яңа Мичәндә яшәүче Садыйкова Сәгидә һәм Мәүлитова Танзиләне Җиңү бәйрәме белән котладылар, нык сәламәтлек һәм озын гомер теләделәр, рәхмәт сүзләрен җиткерделәр.

   2 май көнне Югары Шытсу мәдәният йорты һәм китапханә хезмәткәрләре “Шытсу” җәмгыятенен сөтчелек комплексында “Умырзая” агитбригадасы белән чыгыш ясадылар. Алар Яз һәм Хезмәт бәйрәме белән котладылар. “Хезмәт төбе – хөрмәт” дип аталган чыгышта җырлар башкардылар, шигырьләр сөйләделәр, музыка уен коралларында уйнадылар, вакытлы матбугат белән таныштырдылар. Чара күмәк татарча бию белән тәмамланды. Һәркем бәйрәм кәефе белән таралышты. 

3 май көнне Иштуган мәдәният йорты белгечләре балалар белән "Хәтер бакчасы" акциясенә кушылдылар. Бу акциянең максаты-Бөек Ватан сугышы елларында һәлак булган Ватанны саклаучылар хөрмәтенә агачлар утырту. Бу бик игелекле акция, чөнки геройлар истәлегенә кешеләр территорияне агачлар белән бизиләр һәм яшелләндерәләр.Ветераннар хөрмәтенә утыртылган агачлар һәрвакыт җирдә гомерне дәвам итү символы булып саналды. Агач-объект буларак яңа тормышны да, һичшиксез, сугыш турындагы хәтерне дә символлаштыра. Әлеге чара кысаларында Ватан Геройлары һәм аны саклаучылар истәлегенә 12 агач утыртылды. Бу акциядә катнашкан һәр кеше үз хезмәте белән Ватан сакчыларына рәхмәт белдерә алды. Мондый чараларның берничә тапкыр гына уздырылмавы һәм акцияләргә  балаларны җәлеп итү традициягә керүе дә бик мөһим. Чөнки нәкъ менә киләчәк буын хәтерне саклап калырга һәм үз тормышын тынычлык һәм баш өстендә тыныч күк  йөзе өчен гомерләрен  биргән геройларның хәтерен олыларга тиеш. Мондый акцияләр үсеп килүче буынга онытылмас тәэсир калдыра, балаларны әйләнә-тирә мохиткә сакчыл карарга һәм үз тормышларын биргән, үсәргә, тыныч вакытта яшәргә һәм яратырга мөмкинлек биргән ветераннарга рәхмәтле булырга өйрәтә.